Andre arrangement

Tolv frå skiklubben med i KM-stafetten

Legg att eit innspel

Sjå videoen til Alvidra frå KM Parkstafetten

GOD INNSATS I HERRESÅSEN:
Herman Toppe Alvær, Andreas Nergård og Martin Engelsen Markussen kjempa godt i kamp med dei beste skiløparane i 10-årklassen under KM-stafetten på Voss i helga. Alle etappane i denne årsklassen gjekk i fristil.

Det andre gutelaget til Nordhordland Skiklubb hamna som venta eit stykkje bak dei beste. Dei var påmelde i 13-16 årsklassen og konkurrerte mot langt eldre deltakarar der maksgrensa var på 45 år . Erlend, Erland og Martin (11+11+13) utgjorde berre 35 år til saman.
– Det var gøy å gå stafett, har aldri gjort det før så eg skalv veldig før eg skulle starte. Men eg var veldig fornøyd med min etappe sjølv om eg var bak . Dei andre var jo større enn meg, seier Erlend Kvamme Kalnes (11) som gjekk første etappen for gutelaget i 13-16 årsklassen.
– Skummelt å gå min første stafett, men det var kjempegøy, seier storebror og ankermann, Martin Kvamme Kalnes (13).
– Det er utrulig kjekt å sjå Nh skiklubb representert blant alle laga. Dette gav meirsmak og vil vere positivt for rekrutteringa i tida framover, seier trenar Linda Kvamme.
– Ja, dette er lovande. På tirsdag har vi tenkt oss til Gamlesætra for å trena klassisk. Fanarennet ventar førstkomande søndag og med nokon gode treningsøkter framover vert dette bra, seier Frode Nergård frå skigruppa i Alvidra.

KNALL OG FALL:

Nh Skiklubb stilte også med to lag i seniorklassen:
Bjørnar Stusdal (1. laget) og Trond Austrheim (2.laget ) opna offensivt, men i den krevjande NM-løypa måtte begge nedpå i ein av dei bratte utforkøyringane. Bein og ski forsvann brått under Stusdal. Austrheim som låg på bakskia til Stusdal fulgte med han i «stupet». Begge to låg att i ei rue medan dei hine laga fauk frå dei over neste bakketopp. Bjørnar kom seg etterkvart til hektene og avslutta etappen meget bra. Austrheim derimot blei nærmast oppeten av mjølkesyra og var ikkje til å kjenna att dei siste kilometerane.
Bjørnar Stusdal veksla med Atle Austrheim som etter sine åtte kilometer sende Kenneth Alvær ut på den avsluttande tredje etappen . Alvær gjekk laget opp eit par plassar og kom i mål til ein brukbar femte plass, men heile 3 minutt og 40 sekund etter kretsmeisterane frå Samnanger IL.

Nh Skiklubb sitt andrelag med Trond Austrheim, Sigve Eldøy og Claus Sellevoll endte nest sist i mål. Berre tre vaksdølar hadde mindre hastverk  i løypa denne søndagen, men karane hang ikkje med hovuda av den grunn.

– Me rakk i alle fall kaféen, hevda ein av dei.

– Ja, men da spørs om eg rekk heimatt te floren, repliserte smørjar, Gunnar Stusdal.

Legg att eit svar

Epostadressa di blir ikkje synleg. Påkravde felt er merka *