SAMNANGERRENNET :
Familen Færø stilte mannsterke då Samnanger IL arrangerte skirenn i friteknikk på Totræna Vinterpark laurdag. Nikolai Færø vann klasse Menn FH senior. Storebror Jo-Harald Færø gjorde også sine saker bra og tok fjerde plass i Menn Senior 10 km. Einar Færø måtte finna seg i å konkurrera mot den yngre garde då herrane var samla i ein klasse. Einar skøyta inn til ein niande plass.
Magnus-Johan Færø (Gutar 16 ) var uheldig og mista trinsa på staven etter berre fem hundre meter. Løpet var øydelagt, men han fullførte og tok det heile som trening.