02
mar

20160302_190345 (1)RESULTAT HOPSDAL

01
mar

gamlesætraRESULTAT GAMLESÆTRA SKICUP

SJÅ VIDEO HER: 

jonny

29
feb

Lysløypekarusell på HopsdalKnarvik IL arrangerer lysløyperenn onsdag 2. mars

ARENA: HOPSDAL
ALDERSGRENSE: 10 år og eldre.
PÅMELDING: kl. 18.00.
START: Kl. 19.00
STARTKONTIGENT: 50 kr.
STILART: Klassisk

Vel møtt!

29
feb
Nordhordland Skiklubb

Nordhordland Skiklubb hadde fleire løparar på start då turrennet Herresåsen rundt gjekk av stabelen sundag 28. februar.

Strålande sol og flott vintervêr skapte fine rammer rundt det 29 km lange rennet i terrenget rundt Voss Ski- og tursenter. Deltakarane frå Nordhordland Skiklubb leverte også mange fine prestasjonar.

Magnus-Johan Færø var raskast av dei lokale i den lengste løypa og staka på blanke ski inn til tida 1.29.42. Han vann med det klasse M21-25 år og vart nummer 5 totalt. I same klasse gjekk eldre bror Halfdan-Emil Færø inn som nummer 2 med tida 1.34.19. Han vart nummer 8 totalt etter ein hard kamp mot mellom anna velkjende Gudmund Skjeldal.

Martin Kvamme Kalnes vart nummer fire i M17-18 år med tida 1.41.04. Ikkje lenge etter kom Kenneth Alvær inn til 3. plass i M51-55 år etter eit fint løp.

Elles deltok både Gunnar og Asbjørn Eidsheim frå skiklubben.

Også i dei yngre klassane hadde Nordhordland fleire deltakarar med. Desse gjekk 7,5 kilometer. Erlend Kvamme Kalnes gjorde eit godt løp og vart nummer 3 i M15-16. Med tida 35.22 var han berre 2 minutt bak sigeren. I same klasse vart Jarl Von Reibnitz nummer 4. Herman Alvær, som forrige helg gjorde to gode løp under Ungdommens Holmenkollrenn i Oslo, viser stadig framgang og vart nummer 2 i klasse M13-14 med tida 35.29. Det ser med andre ord ut som at det jamne nivået blant ungdommane i klubben fører til framgang for alle saman. Med lovande vêrmeldinger framover ser det ut til at det vert gode moglegheiter for trening på snø og vidare utvikling også i siste del av skisesongen.

Høgdepunkta står elles i kø for dei lokale skiløparane dei neste vekene. Nordhordlandsmeisterskapen på Gamlesætra og Norgescup på Lygna står mellom anna for tur allereie neste helg.

28
feb

Her er resultata fra dagens renn på Gamlesetra.

 Resultater renn 3

12562697_10153945530553623_1173216677_o

21
feb
Nordhordland Skiklubb

Nordhordland Skiklubb hadde fleire løparar på start i Bergensrennet laurdag 20. februar. Turrennet, som i år vart arrangert for 18. gong, er Hordalands einaste bedriftsrenn på ski og går over 18 km på Kvamskogen. Arrangør Bergen Engines sytte for fine rammer rundt rennet, sjølv om vêrgudene ikkje var i sitt beste humør og skapte vanskar for dei som ikkje hadde rubbski tilgjengeleg.

Magnus-Johan Færø droppa festesmurninga og staka seg rundt dei tre rundene til klar siger på tida 1.00.24. Debuten med blanke ski i eit klassiskrenn vart med det ei positiv erfaring. Birger Rye frå Fana IL og Brigt Strømmen frå Il Fri kom inn på delt andreplass med tida 1.06.35.

Martin Kvamme Kalnes var nest best av dei lokale skiløparane. Han vart nummer 6 på tida 1.08.56.

Julie Øvretveit vart nummer 3 i dameklassen med tida 1.20.29.

Einar Færø, Atle Austrheim og Inge Hatlebrekke deltok også for Nordhordland Skiklubb. Eldstemann Færø fekk klabbar under skia og påstod at han på eit tidspunkt ikkje nådde nedi med stavane. Heller ikkje Atle Austrheim hadde gode ski, men begge to fullførte i fin stil.

Resultat kjem.

IMG_3416

Julie og Martin (4)

Martin og Julie deltok i helgen 12-14 februar i sitt første Norgescup renn for junior på Hovden.

Norgescup for junior i langrenn er et stort arrangement med 8-900 løpere fra hele landet. Martin og Julie reiste i regi av Hordaland skikrets, som står for et profesjonelt opplegg med egne smørere og sekundanter. Løypene på Hovden holder internasjonal standard og har krevende motbakker og utforkjøringer. Det kalde været gjorde at søndagens konkurranser i fristil ble avlyst, så løperne måtte nøye seg med lørdagens klassiske distanser.

Martin stilte til start med superski levert av smøreteamet, men likevel klaffet det ikke helt. Han hadde super glid ,men festet ble for dårlig i de bratte motbakkene og han måtte ut i fiskeben der andre gikk greit opp.

Martin tar med seg erfaringen til senere renn in Norgencupen og NM. Smøreteamet gjorde en god jobb, men det krever litt trening å få samspillet til å fungere. Martin åpnet hardt og lå godt an i starten, men i bakkene var han sjanseløs med glatte ski. Han fullførte med stil og ble nr. 164.

Julie startet senere på dagen og fikk noen tips av Martin om hvor hun burde teste ski for å være forberedt på hva som møtte henne i løypen. Hun gjorde fin figur i motbakkene men tapte en del utfor og i lettere terreng. De beste løperne har tydelig lagt ned mange treningstimer med staking på rulleski og ski. Julie ble til slutt nr. 88.

Neste NC blir NM på Vang 11-13 Mars, og vi ser frem til å følge Martin og Julie videre i skisporet.

Julie klassisk 5km (1)

Martin klassisk 10km (2)

12
feb

12695136_10153775192671259_762399095_oNordhordland skiklubb henta inn forsterkingar for å få bukt med den enorme rota som hadde kvelva over stien på toppen av Isdalfjellet.

Tre enorme grantre hadde kvelva etter stormen «Tor» og resultatet var ei fire meter høg rotvelt midt over stien.

– Rota hadde brote opp stien, og det var ikkje trygt for folk å ferdast forbi rotvelta, som mellom anna innheldt store kampesteinar som hadde vikla seg inn i røtene, fortel Claus Sellevoll. Han tok turen opp tidlegare i veka, og markerte rundt rotvelta, slik at folk vart leia rundt rota, og inn på stien lengre nede.

Ikkje til å spøkast med

Rotvelt er ikkje til å spøkast med, så Sellevoll henta inn forsterkingar for å rydda slik at stien, som er ein del av løypa til Knarvik Xtrem, vart trygg for ferdsel att.

–  Slike røt kan ha sterke krefter i seg, slik at når ein kappar trea, og vekta som held rota oppe forsvinn, vert enorme krefter sett i sving når rota vert fri, fortel Sellevoll. Han fekk difor med seg ein røynd skogsryddar, Sigve Eldøy, som mellom anna har rydda skog for BKK sine linjer.

Fleire tonn

Med motorsag, talje og vaierar gjekk dei to laus på oppgåva.

– Vi sikra det eine treet som hadde kvelva ved å binda det fast med ein sterk wire, og på den måten vart det trygt å kappa det siste treet, fortel Eldøy. Skiklubben sikra seg film av arbeidet, der ein ser enorme naturkrefter i sving i det den fleire tonn tunge rota fell på plass, og stien ligg att som før.

Tryggleik i fokus

– Det er viktig med tryggleik når ein skal utføra slikt arbeid, og i skiklubben er vi glad for at vi har både dugnadsvilje og dyktige fagfolk på ulike felt, som kan bistå i dugnadsarbeidet, seier Claus Sellevoll. Han legg til at Skiklubben sine folk er ute heile året for å rydda løyper og halda dei i stand.

– Eg er ikkje sikker på om folk veit kor mykje arbeid vi legg ned kvart år i å rydda stiar og løyper, men for oss er gevinsten at folk kjem seg ut og kan nytta løypene, seier Sellevoll.

12
feb
Nordhordland Skiklubb

Nordhordland Skiklubb var representert i Thorleif Haugs minneløp, også kalla Hauern, sundag 7. februar. Hauern er eit tradisjonsrikt turrenn like utanfor Drammen som har vore arrangert sidan 1966 til minne for skilegenden Thorleif Haug. På grunn av mildvêr i Drammensmarka vart delar av rennet i år flytta til ein alternativ trasè, og forkorta frå 45 til 42 km.

Trass til dels tunge og utfordrande tilhøve leverte løparane frå Nordhordland Skiklubb gode renn. Magnus-Johan Færø var raskast og kom i mål på tida 2.12.47, noko som heldt til ein 7. plass mellom dei 20 deltakarane i Menn 21-25 år og ein 15. plass totalt mellom dei 376 deltakarane i rennet. Han fekk med det ei god og lang gjennomkjøring før Birkebeinerrennet seinare i vinter. Ståle Leiren fullførte rennet på tida 2.19.10, og kom med det på 2. plass blant 12 deltakarar i Menn 41-45 år. Med den tida vart han nr. 31 totalt i rennet.

For Magnus-Johan Færø sin del ventar det fleire høgdepunkt på slutten av sesongen. Først ut er Norgescup på Lygna 6. mars, før Birkebeinerrennet går av stabelen 19. mars og seinare NM del 2 på Beitostølen dei første dagane i april.

IMG_3387

10
feb
Nordhordland Skiklubb

12737132_10153775192941259_574410636_oISDALFJELLET: Nordhordland Skiklubb er godt i gong med oppryddinga etter at ekstremværet «Tor» feide inn over Vestlandet i forrige måned. Det meste av ryddearbeidet går greit for dugnadsgjengen, men i skogen på Isdalfjellet ligg det ei diger rotvelte tvers over Knarvik Xtrem-traséen. Til denne operasjonen har Nordhordland Skiklubb planer om å ha med fagfolk slik at dei stormfelte trea vert fjerna på ein forsvarleg måte. Fram til skiklubben har fått rydda vekk rotvelta, er det merka ein mellombels sti inn i skogen, slik at folk kan ferdast trygt forbi «Isdaltrollet».